glamour site

प्रेमी डन दिनेश अधिकारी ‘चरी’ को हत्या भएको भन्दै प्रहरीविरुद्द जाइलागेकी मोडल खुस्बु ओली पछिल्लो समय गुमनाम छिन् । प्रहरी स्रोतका अनुसार उनी अहिले बेलायत पलायन भएकी छन् । भदौको पहिलो सातादेखि नै खुस्बु बेलायत पलायन भएकी हुन् । स्टुडेन्ट भिसामा उनी त्यहाँ बस्दै आएकी छन् । खुस्बुले आफ्ना पूर्वप्रेमी अर्पण कोइरालाको योजनामा प्रहरीले चरीको हत्या गरेको आरोप लगाउँदै आएकी थिइन् । अर्पण पनि हालसम्म भारतमै छन् । प्रहरीको मोस्ट वान्टेड सूचीमा रहेका चरीको गत २१ साउनमा भीमढुंगामा मृत्यु भएको थियो । प्रहरीले दोहोरो भिडन्तमा उनको मृत्यु भएको दाबी गर्दै आएको छ ।महानगरीय प्रहरी अपराध महाशाखाले पिछा गर्ने क्रममा चरीले गोली हानेपछि भएको भिडन्तमा उनको मृत्यु भएको जनाएको छ । चरीका आफन्तले उनको हत्या भएको दाबी गर्दै प्रहरीमा जाहेरी लगे पनि प्रहरीले दर्ता गरेको थिएन । त्यसविरुद्द उनीहरु रिट लिएर अदालत गएका थिए । अदालतले जाहेरी दरखास्त दर्ता नगर्नुको लिखित कारण माग गरेको छ । तर हालसम्म रिटको फैसला भइसकेको छैन । सो मुद्दामा खुश्बुले समेत कुनै चासो दिएकी छैनन् । ‘पैसाकै लागि खुस्बुले दिनेशलाई माया गरेकी रहिछन्’ चरीका एक साथीको आरोप छ,‘अब मरेपछि उनलाई के मतलब भयो र ?’ सुरुमा चरीको परिवारसँग मिलेर चरीको इन्काउन्टरविरुद्द लागेकी उनी पछिल्लो समय गुमनाम छिन्,आजको नयाँ पत्रिका दैनिकमा खबर छ । - See more at: http://www.ratopati.com

1. असफलता हात लागेपछि निराश हुनुको सट्टा त्यसबाट खुशी हुन् सिक्नुपर्छ जसले गर्दा आउने समय राम्रो होस्।
२. निराशाले चारैतिरबाट घेरा हालेका बेला आफ्नो सफलता र उपलब्धिको सम्झना गर्नुपर्छ। आफ्नो असफलताका बारेमा सोचेर बस्नुहुँदैन। अब केही पनि गर्न सकिँदैन भन्नुको साटो असफलतालाई खुसीसाथ स्वीकार गर्नुपर्छ। त्यसपछि एउटा नयाँ र राम्रो सुरुवातले तपाईंको बाटो पर्खिरहेको छ।
३. नकारात्मक विचारधारा भएका मानिसहरूबाट पनि केही सिक्न सकिन्छ, जसरी रातपछि दिन आउँछ ठीक त्यस्तै असफलतापछि सफलता मिल्छ।

४. कसैले आफ्नो आलोचना गर्छ भने त्यसमा पटक्कै ध्यान दिनुहुँदैन। बरु त्यो व्यक्तिका बारेमा सोच्नुपर्छ जसले आफूप्रति विश्वास गर्छ।

५. आलोचनाको सामना गर्नुपर्दा चुप लागेर बस्नुपर्छ आफूलाई राम्रो र सफल बनाएर आलोचकको मुख बन्द गर्न सकिन्छ।

६. बिहान उठेर पूर्णरूपमा काममा लाग्नुभन्दा पहिले मर्निङ वाक गनुपर्छ। मनमनै ती सबैलाई धन्यवाद दिनुपर्छ जसका कारण आफूले सफलता प्राप्त गरिएको छ। बिहानको घुमफिरले मनमस्तिष्क स्वस्थ र ताजा हुन्छ अनि एउटा तन्दुरुस्त मस्तिष्कका साथ सफलतातर्फ अग्रसर हुन सकिन्छ।

७. जब आफूलाई डरको आभास हुन्छ तब आफूप्रति विश्वास राख्नुपर्छ र आफ्नो विश्वासलाई आफ्नो डरभन्दा ठूलो बनाउनुपर्छ, जसले गर्दा विश्वास डरमाथि हावी होस्।

८. असफलताबाट अत्तालिनुको साटो त्यसबाट पाठ सिक्नुपर्छ, आफ्नो अहिलेसम्मको सफलतामा गर्व महसुस गर्नुपर्छ जसले गर्दा आफूभित्र उत्साह र जोशको सञ्चार भैरहोस्।

९. जुनसुकै काममा हात हाल्दा त्यसमा आफ्नो सफलतालाई नै लक्ष्य मान्नुपर्छ। सफलताका लागि कसैसँग कुनै प्रकारको सम्झौता गर्नुहुँदैन।

१०. भूत र भविष्यको चिन्ता छोडेर आफ्नो वर्तमानमा पूरै ध्यान केन्दि्रत गर्नुपर्छ, किनभने न त कसैले आफ्नो विगतलाई बदल्न सक्छ, न आउने समयलाई नै रोक्न सक्छ। वर्तमानका बारेमा सोच्नुपर्छ जसमा आफू बाँचिएको छ, किनभने यो समयमा जित हासिल गर्न सकिन्छ।

११. गुनासो गर्नुको साटो समस्याको समाधान खोज्ने प्रयास गर्नुपर्छ। यसले समस्याको स्थायी समाधान फेला पार्न सकिन्छ।

१२. जब आफ्नो सफलता प्रतिसन्देहको स्थिति उत्पन्न हुन्छ तब आफ्नो मनमस्तिष्कमा आउने नकारात्मक विचारलाई उखालेर फ्याँक्नुपर्छ र सकारात्मक

विचार भर्नुपर्छ।

१३. जब आफूलाई लाग्न थाल्छ कि सबै कुरा असम्भव हुँदै गएको छ भने के सोच्नुपर्छ भने लगन र निष्ठाका बलमा सबैथोक सम्भव छ, त्यसैले यसलाई सधैं कायम राख्नुपर्छ।

१४. लक्ष्यबाट बिमुख हुने स्थितिमा आफ्नो मुटुको गतिमाथि ध्यान केन्दि्रत गर्नुपर्छ। आफ्नो वरिपरिको वातावरणको अवलोकन गर्नुपर्छ। आफ्नो दृष्टिकोणलाई स्पष्ट पार्दै त्यो सकारात्मक दिशातर्फ पाइला चाल्नुपर्छ, जुन आफूले आफ्ना लागि बनाइएको छ। ध्यान केन्दि्रत गर्नाले लक्ष्य मात्र देखापर्छ।

१५. एक्लोपन महसुस भैरहेको छ भने ती सबै व्यक्तिलाई याद गर्नुपर्छ जो यहाँसम्म आफ्नो साथ हिँड्यो र जसले अहिले पनि आफूलाई माया, स्नेह र सहयोग दिइरहेको छ। यसले एक्लोपन महसुस हुँदैन।

१६. जब लाग्छ कि आफ्नो लक्ष्यबाट विमुख हुन थालिएको छ वा फेरि जीवनमा लगातार हारको सामना गर्नुपरिरहेको छ भने आफ्नो मागर् दर्शन आफैँ गर्नुपर्छ।

१७. थाकेको वा हारेको महसुस हुन्छ भने मनमनै के सोच्नुपर्छ भने म कहिल्यै हिम्मत हार्दिनँ। बिना कुनै डर, हिचकिचाहट हिम्मतका साथ ती सबै काम गर्नुपर्छ जुन आफूले गर्न चाहिएको छ।

१८. यो काम गर्न सक्दिनँ भन्ने महसुस हुँदा त्यो सकारात्मक शक्तिको सहयोग लिनुपर्छ जसको सहयोग अहिलेसम्म लिँदै आइएको छ।

१९. जब परिस्थिति नियन्त्रणबाहिर गैरहेको छ र आफ्नो बसमा केही पनि छैन भने मात्र त्यसलाई नियन्त्रण गर्नुपर्छ, जुन गर्न सकिन्छ र त्यसलाई छाडिदिनुपर्छ जुन आफ्नो नियन्त्रणबाट बाहिर गैसकेको छ।

२०. कुनै कामलाई लिएर जब अधिक दबाबमा परिएको छ, लक्ष्य मात्र केही दूरीमा छ र प्रत्येकको आँखा आफूंमाथि छ भने नहडबडाइ बिना कुनै मानसिक दबाब आफ्नो काम गम्भीरताका साथ सम्पन्न गर्नु पर्छ।

मुम्बइ । अभिनेत्री ऐश्वर्या रायले सुटिङ गर्दा अभिषेक बच्चनले छेउमा बसेर हेर्ने इच्छा ब्यक्त गरेका छन् । ‘म ऐश्वर्याको फ्यान हुँ यदि उनले अनुमति दिइन् भने म सुटिङको पहिलो दिन स्पटमा जान्छु र छेउमा बसेर सुटिङ हेर्छु ।’ अभिषेकले संवाददातासँग कुरा गर्दै भने । आमा बनेकी ऐश्वर्या राय बच्चनको सञ्जय गुप्ताको फिल्म ‘जज्बा’ वाट पुनरागमन हुने भएको छ । नयाँ वर्षदेखी फिल्मको सुटिङ सुरु हुने जानकारी दिंदै अभिषेकले आफु ऐश्वर्याको सुटिङ हेर्न आतुर भएको पनि बताए । ‘फेरी पर्दामा ऐश्वर्या कस्ती देखिन्छिन् हेर्न आतुर छु ।’ उनले भने । 

यस्तै भयो भारतीय राजधानीमा ।   खासमा स्तन क्यान्सरविरुद्ध अभियान चलाइरहेकी एक युवतीले 'बिग अर स्मल सेव देम अल' भन्ने अभियान अन्तर्गत नयाँ दिल्लीको सडकमा कपडा खोलेपछि सबै चकित परे । मानिसहरुलाई स्तन क्यान्सरप्रति जनचेतना जगाउन उनले यस्तो हरकत गरेकी हुन् ।   हेर्नुस् भिडियो

सामान्यतया पुरुषहरु खानाप्रति सचेत हुँदैनन् । महिलाहरुलाई जहिले पनि स्वास्थ्य र खानाको ख्याल रहेपनि अधिकाँश पुरुष वेपर्वाह हुन्छन् । विशेषज्ञहरु पनि पुरुष र महिलाको खाना फरक फरक हुनु पर्ने बताउँछन् ।
 यहाँ पुरुषले स्वास्थ्यका लागि खानै पर्ने ८ खानाको चर्चा गरिएको छ :


गोलभेडा:गोलभेडालाई सुपर फुड अर्थात महाखाना पनि भनिन्छ । गोलभेडामा लाइकोपेन भन्ने तत्व हुन्छ । यसले क्यान्सरबाट बचाउँछ । त्यसैगरी प्रोष्टेट क्यान्सर हुन बाट पनि जोगाउँछ । गोलभेडाको नियमित सेवनले कोलस्टोरल घटाउँछ भने सामान्य रोगसँग लड्ने क्षमतामा पनि वृद्धी गर्छ !

गहुँ र जौ:गहुँ र जौ जस्ता खाद्यान्नमा भिटामिन र खनिजको मात्रा उच्च हुन्छ । साथै फाइवर पनि हुने हुँदा पाचन प्रणालीमा सहयोग गर्छ । निराशा र दिक्कपन हटाउन पनि यी खाद्दान्न उपयोगी मानिन्छ । त्यसैगरी यी खानाले विर्य स्वस्थ राख्न र कपाल झर्नबाट पनि बचाउने विज्ञहरु बताउँछन् ।

 लसुन:लसुन मुटुको लागि राम्रो मानिन्छ । लसुनको नियमित सेवन गर्ने मान्छेको कोलस्टोरल कम हुन्छ र मुटु स्वस्थ हुन्छ ।



 साल्मोन माछा:साल्मोन माछा प्रोटिनको भरपर्दो श्रोत हो । यसमा फ्याट्टी एसिडको मात्रा उच्च हुन्छ जसले नकारात्मक कोलस्टोरलबाट बचाउँछ । यसले मुटुको रोग, कोलेक्ट्रोल क्यान्सर र प्रोस्टेट क्यान्सर तथा निराशाबाट समेत बचाउँछ ।

 जामुन:जामुनले प्रोष्टेट क्यान्सरबाट बचाउँछ । यसले मुटुको रोगबाट पनि बच्न मद्दत गर्छ । त्यसैगरी मधु मेह र उमेरसँगै हुने विस्मरणलाई पनि यसले कम गर्ने विज्ञहरु बताउँछन् ।
 ब्रोकाउली:ब्रोकाउली बन्दा र काउलीमा सल्फोराफेन नामक कडा रसायन पाहिन्छ जुन क्यान्सरसँग लड्नका लागि महत्वपूर्ण मानिएको छ । यसले पुरुषहरुमा हुने ब्लाडर क्यान्सरबाट पनि जोगाउने विज्ञहरु बताउँछन् । काउली बन्दाको नियमित सेवनले कोलेस्टरल क्यान्सर र प्रोष्टेट क्यान्सरबाट पनि बच्न सकिन्छ ।

 अण्डा:कपाल झरेर हैरान हुनुहुन्छ ? यदि हो भने खानामा अण्डा नछुटाउनुस् । अण्डामा प्रोटिनको उच्च मात्रा
 हुन्छ भने कपाल बढाउन सहयोग गर्छ । त्यसैगरी अण्डामा पाहिने पहेलो भाग आइरनको राम्रो श्रोत हो ।
 अनारको जुस:अनारको जुस निक्कै उच्च पोषक तत्व भएको खाना हो । यसले कोलस्टोरल नियन्त्रण गर्छ भने तनाव घटाउन पनि सहयोग गर्छ । यसमा भिटामिनको मात्रा उच्च हुन्छ । नियमित अनारको जुश सेवन गर्दा प्रोष्टेट क्यान्सरबाट बच्न सकिने विज्ञहरु बताउँछन्

जब कसैलाई साथी बनाउने सोच्दै हुनुहुन्छ भने पक्कै पनि एउटा कुरा मनमा आउने गर्दछ कि उक्त व्यक्ति कस्तो होला । विशेषगरि यदि कुरा महिलाको हो भने त पक्कै पनि । थुप्रै पटक साथी बनिसकेपछि तपाईंलाई लाग्छ कि तपाईंको निर्णय गलत थियो जसका कारण तपाईंले उनीसँग दुरी बनाउन थाल्नुहुन्छ जसले गर्दा तपाईंलाई र तपाईंको साथीलाई समस्या पर्नसक्छ । तर यस्तो समस्या किन झेल्नु यदि तपाईंले साथी बन्नुभन्दा पहिले नै उनको बारेमा केहि अनुमान लगाउन सक्नुहुन्छ भने । हो, हामी कुरा गरिरहेका छौँ महिलाको जसले साथीहरुसँग कस्ता व्यवहार गर्दछिन् र यो कुरा उनको राशीअनुसार हामी तपाईंलाई बताउँदै छौँ ।




थाहा पाउनुहोस्ः

मेष राशीः तुरुन्त साथी बनाउँछन् मेष राशी भएका महिलाहरु मेष राशी भएका महिलाहरुको मन बगेको पानीजस्तै हुने गर्दछ । जहाँ राम्रा मान्छे भेट्यो त्यतै आकर्षित हुने । एक मिनेटमा नै साथी बन्ने निर्णय लिने गर्दछन् र एक मिनेटमा नै तोड्ने । मेष राशी भएकी महिलाको साथीको समूह ठूलो हुने गर्दछ र उनले आफ्ना साथीहरु कहिले पनि बिर्सन सक्दिनन् । नयाँ मानिसहरुसँग साथी बन्न ढिला नगर्ने यस्ता महिलाहरुको बानीले उनका पुराना साथीहरुसँग उनको ठाकठुकसमेत पर्ने गर्दछ । साथीहरुसँग हाँसो–ठट्टा गर्न उनलाई निकै रमाइलो लाग्ने गर्दछ । उनको गहिरो सम्बन्ध निकै थोरै साथीहरुसँग मात्र हुने गर्दछ ।




२. वृष राशीः ‘बेष्ट फ्रेन्ड फर एभर’ वृष राशी भएका महिलाहरु जब कोही व्यक्तिसँग साथी बन्छन् उनीहरुको सम्बन्ध सधैँभरिको लागि हुन्छ । कोही महिलाहरु त निकै वर्षसम्म पनि समथी भइरहने गर्दछन् । यी महिलाहरुको धेरै साथीहरु हुँदैनन् । सिमित वयक्तिहरुलाई मात्र साथी बनाउने वृष राशीका महिलाहरु साथीसँगको सम्बन्धलाई निकै राम्रो तरिकाले निर्वाह गर्ने गर्दछिन् ।




३.मिथुन राशीः यी महिलाहरु राम्रो साथी मिथुन राशी भएका माहिलाहरुको वाककलाको क्षमता निकै राम्रो हुने भएका कारण उनीहरुलाई वुद्धिजीविहरुसँग सम्बन्ध बनाइराख्न निकै मनपर्छ । विशेष गरि साथीहरुबिच समन्वय बनाइराख्नमा उनीहरु निकै पोख्त हुनेगर्दछन् । साथीहरुबिच यी राशी हुने महिलाको मनमुटाव निकै कम हुने गर्दछ ।




४. कर्कट राशीः कर्कट राशीका महिलाहरु जोसँग साथी बन्दछन् उनीहरु साथीलाई आवश्यकभन्दा बढि नै ध्यानमा राख्ने गर्दछन् । यदि तपाईं समस्यामा हुनुहुन्छ भने यी महिलाहरुले तपाईंको साथ कहिले पनि छोड्ने छैनन् । यो राशीका महिलाहरु आफ्नो भावना व्यक्त गर्न कहिले पनि पछि पर्दैनन् । आफूलाई भने त्यति ध्यान नदिने यी महिलाहरु कहिलेकाँही निकै रुखो व्यवहार गर्ने गर्दछन् ।




५. सिंह राशीः सिंह राशी भएका महिलाहरु आफ्नो साथीको बारेमा आवश्यकभन्दा धेरै सोच्ने गर्दछन् । यदि सिंह राशी भएका महिलाहरुसँग तपाईंको झगडा भएमा केहि बेरपछि नै उनीहरु तपाईंकोमा आएर माफी माग्ने गर्दछन् । यी महिलाहरु आवश्यकभन्दा बढि नै सामाजिक हुने गर्दछन् । साथीहरुका लागि केहि गर्नका लागि यी महिलाहरु सदैव उत्साहित हुने गर्दछन् ।




६. कन्या राशीः कन्या राशीका महिलाहरु आफ्ना साथीको प्रत्येक कुराको हिसाब राख्ने गर्दछन् । आफूले चाहेको जस्तो नभएमा उनीहरुको व्यवहार कहिलेकाँही निकै कडा पनि हुने गर्दछ तर उनीहरु मनबाट नराम्रा भने हुँदैनन् । कन्या राशी भएकी महिलासँग साथी बन्दा तपाईंले कहिले पनि पछुताउनु पर्दैन । सल्लाह दिने कुरामा पनि यिनिहरु अग्रस्थानमा हुने गर्दछन् ।




७. तुला राशीः तुला राशीका महिलाहरु निकै शान्त किसिमका हुन्छन् । साथीहरुको गल्तीलाई सधैँ माफी दिने यस्ता महिलाहरु राम्रो साथी मात्र बनाउन रुचाउँछिन् । उनीसँग राम्रो व्यवहार गर्नुहुन्छ भने उनको व्यवहार पनि तपाईंप्रति सधैँ राम्रो नै हुने गर्दछ भने तपाईंको व्यवहारमा रुखोपन आउन थालेमा उनी पनि रुखो हुनुसट्टा तपाईंबाट टाढा जान रुचाउँछिन् । उनी आफ्नो साथीको मनपर्ने– मननपर्ने कुराको बारेमा पनि ध्यान राख्ने गर्दछिन् ।




८. वृश्चिक राशीः वृश्चिक राशीका महिलाहरु जति राम्रो साथी बन्न सक्छन् त्यति नै ठूलो दुश्मन पनि । आफूमाथि गरेको सहयोगलाई कहिले पनि नर्बिसने यी महिलाले कसैलाई सहयोग त्यतिबेला गर्दछिन् जतिबेला उनले पनि आफूलाई गर्ने पक्का हुन्छिन् । उनीहरु साथीको छनौट पनि निकै सोचेर गर्ने गर्दछन् ।




९. धनु राशीः धनु राशीका महिलाहरु आफ्नो सम्बन्धमा कहिले पनि चिसोपन आउन दिँदैनन् । साथीहरुसँग झगडा हुँदा उनको गल्ती नहुँदा पनि उनी आफैँ माफी माग्न पछि पर्दिनन् । अर्थात उनी साथीहरुलाई फकाउन ढिलो गर्दिनन् । साथीहरुबिच भेदभाव नगर्ने यस्ता माहिलाहरु तुला र कुम्भ राशीका व्यक्तिहरुसँग बढि मिल्ने गर्दछन् ।




१०. मकर राशीः यी महिलाहरु साथी बनाउँदा जति मनले बनाउँछन् त्यति नै दुःखी साथीसँगको सम्बन्ध टुट्दा हुने गर्दछन् । साथीहरुलाई सल्लाह दिनमा निकै अग्रसर हुने यी महिलाहरु साथीहरुको राम्रोको लागि जे पनि गर्न तयार हुन्छन् । यी महिलाहरु निकै सामाजिक हुने गर्दछन् र उनीहरुको सम्बन्ध वृश्चिक र मीन राशीका व्यक्तिहरुसँग राम्रो हुने गर्दछ ।




११. कुम्भ राशीः कुम्भ राशीका महिलाहरु निकै सजिलै साथी बन्न सक्छन् । उनीहरु हरेक व्यक्तिका लागि राम्रा साथी हुनेछन् । उनीहरुको समूहमा उनलाई धेरैजसोले आफ्नो ‘बेष्ट फ्रेन्ड’ मान्ने गर्दछन् । आफूलाई निकै गाह्रो भएता पनि साथीहरुको भावनालाई कहिले पनि ठेस पुर्याउँदैनन् । यस्ता महिलाहरु आफ्ना प्रत्येक कुराहरु साथीलाई बताउने गर्दछन् । उनीहरुको सबैभन्दा राम्रो साथी तुला राशीका मानिसहरु हुने गर्दछन् ।




१२. मीन राशीः यदि मीन राशी भएकी महिलासँग साथी बन्दै हुनुहुन्छ भने एउटा कुरा ध्यानमा राख्नुहोस्, ‘उनीहरुलाई आफ्नो निजी जिन्दगीमा कुनै पनि हस्तक्षेप मान्य छैन’ । तपाईं उनीहरुसँग जति नै मिल्नुहोस् उनीहरुले केहि न केहि कुरा त पक्कै पनि लुकाएर राखेका हुन्छन् । मीन राशीका महिलाहरुको मुड कहिले परिवर्तन हुन्छ त्यो पनि थाहा पाउन मुश्किल हुन्छ ।

घुस बाँडफाँडमा विवाद भएपछि प्रहरीबीच कुटाकुट
१८ भदौ, पर्सा । पर्सा प्रहरीले वीरगन्जका बिभिन्न अवैध यौन अखडामा छापा मारेर १३ जनालाई पक्राउ गरेको छ ।

यौन व्यावसायमा संलग्न ३ पुरुष सहित १३ जनालाई पक्राउ गरेको प्रहरीले जनाएको छ ।
प्रहरी टोलीले वीरगन्जको बसपार्क, भंसार र लक्षमण्ँवा क्षेत्रमा अवैध यौन धन्दा सन्चालन हुने गरेको उजुरी आएपछि छापा मारेरको हो ।
पक्राउ परेका मध्य १० महिलालाई वडा प्रहरी कार्यालय श्रीपुरमा राखिएको छ भने ३ जनालाई जिल्ला प्रहरी कार्यालयमा राखी थप अनुसन्धानको प्रकृया अघि बढाइएको प्रहरीलाई उधृत गर्दै पत्रकार शत्रुघन नेपालले जनाएका छन् ।
यसैबीच इलाका प्रहरी कार्यालय, सेढवाका घुमुवा सुरेन्द्रप्रसाद कलवार र प्रहरी चौकी पीडारीगुठीका प्रमुख प्रहरी सहायक निरीक्षक कुमार खड्काबीच लेनदेनको विषयलाई लिएर कुटाकुट परेको छ ।
इलाका प्रहरी कार्यालय, सेढवा परिसरमा मंगलवार उनीहरबीच कुटाकुट भएको प्रहरी स्रोतले जनाएको छ ।
भारतबाट अवैध सामान भित्र्याउने समूहमध्ये भागवाला टोलीले दिएको रकम प्रसनि कुमार खड्काले लिएको र सोको भाग इलाका घुमुवा सुरेन्द्रले पनि मागेपछि विवाद भएको थियो ।

   

क्यान्सर प्रतिरोधी फलफूल तथा तरकारीहरु :
डॉ हेमराज कोइराला
 ज्ञान बाँड्नु सबैभन्दा ठूलो धर्म हो त्यसैले सबैले लाइक तथा शेयर गर्न नभुल्नुहोला






•१.ओखर:

पेन्सल्भिनियाको स्क्रेन्टन विश्वविद्यालयले गरेको एक अनुसन्धान ले ओखरमा प्रसस्त पॉलीफेनोल्स भन्ने एण्टीअक्सिडेन्ट हुने कुरा पत्ता लगाएका छन् । एण्टीअक्सिडेन्टले शरीरमा हुने ऑक्सीडेटिवे स्ट्रेस कम गरी डी. एन. ए. डैमेज हुन दिँदैन फलतः क्यान्सर रोग लाग्नबाट बचाउँछ। अमेरिकन इंस्टिट्यूट ऑफ़ कैंसर रिसर्च का अनुसार ओखरमा कॉपर, मगैनेस, मैग्नीशियम जस्ता सुक्ष्म पोषक तत्व हरु पनि पईन्छ जून कैंसर प्रतिकारी छन। कैंसर रोग लगेकाले दैनिक ३० ग्राम ओखर खानु पर्छ।

•२. गोलभेँड़ा:

गोलभेँड़ामा लाइकोपेन भन्ने तत्व पाइन्छ। जानवरहरुमा गरिएको अध्ययनले गोलभेँड़ाको सेबनले प्रोस्टेट कैंसरबाट बचाउने तथ्य सार्वजनिक भएको छ। विभिन्न प्रयोगशालाहरुमा भएका अनुशंधानले गोलभेडामा पाइने लाइकोपेन र रेड फैमेली वर्गमा पर्ने तत्वहरूले कैंसर रोकथाम गर्न कैंसरसेलहरूलाई बढ्न र फैलीन नदिने गर्ने गरेको पाइएको छ।

•३. ग्रीन टी:

ग्रीन टी मा प्रसस्त पॉलीफेनोल्स एंड फ्लेवोनॉयड्स जस्ता एंटीऑक्सीडेंट पाइन्छ। ग्रीन टी माँ पाइने कटेचिन्स भनिने फ्लेवोनॉयड्स लाइ कैंसर प्रतिकारी तत्व मानिएको छ। ग्रीन टी ले कोलन लिवर , ब्रैस्ट र प्रोस्टेट माँ कैंसर उत्पन्न हुन नदिएको तथ्य सार्वजनिक भएको छ। ग्रीन टी को नियमित सेवनले मूत्रथैली ठूलो आन्द्र, पेट, पैंक्रियाज र एसोफैगसको कैंसर को जोखिमलाई कम गरेको वैज्ञानिक दावी छ। तर धेरै मात्रमाँ ग्रीन टी लीदा एसले दबाई हरु संग प्रतिक्रिया गरी नोकसान पुर्याउन सक्छ।

•४. लसुन:

लसुन र एलियम वर्गका तरकारी हरुलाई शक्तिशाली कैंसर प्रतिरोधी तरकारी मानिएको छ। यी वर्गका तरकारी हरूले खस गरेर पेट तथा ठुलो आन्द्रा को क्यान्सर मा विशेष प्रतिकारी भूमिका खेलेको अनुसंधानहरूले जनाएको छ। यी तरकारीमा पाईने तत्वहरूले प्रोस्टेट मुत्रासय ठुलो आन्द्राको र पेटका ट्युमरको वृद्धि लाई मन्द गरेको र रोकेको प्रमाण हरू पनि जुटिसकेको छन्। लसुन मा पाईने डाई-एलाइल डाईसल्फेटले भनिने तत्वले छाला, ठुलो आन्द्रा र छालाको कन्सर हुन नदीन प्रभाबकारी भूमीका निभाएको पायीएको छ भने यो तत्वले प्रयोगसलामा ल्युकेमियाका (रगतको क्यान्सर) कोष हरुलाई समेत नष्ट पार्ने क्षमता पुष्ठी गरेको छ।

•५. ब्रो काउली :

ब्रो काउली र अन्य क्रुसिफेरस तरकारी हरूमा फोलीक एसिड, भिटामिन सी, भीटामिन के , पोतासीएम, फईबर र मयाग्नीज जस्ता तत्व हरू प्रसस्त पायिञ्छन। यसका अलावा बीटा क्याराटीन, पोलीफिनोल्स, एन्थोसैनीन, केम्फेरोल जस्ता तत्व हरू पनि पाइञ्छ। यी तत्व हरू विभिन्न तन्तुहरूका क्यान्सरले भएका ट्यूमर बढ्न नदिने र क्यान्सर मेटास्त्यासिस रोक्न प्रभावकारी छन्।

•६. स्याउ :

स्याउमा प्रसस्त मात्रामा भिटामीन सी र फाइबर पाइञ्छ। यसमा कुरसेटिन, एपीक्याटेसिन र , भन्ने एन्थोसाइनिन जस्ता क्यान्सर प्रतीकारी फ्लेभेनोएड़ हरू पनि पाईन्छ।

•७. आलस:

आलस को दानामा प्रासस्त मात्रामा मग्नेसियम मैंगनीज थायमिन, फाइबर, तामा र सेलेनियम जस्ता तत्व हरु पाईन्छ। एसका अलावा भिटामिन ई, अल्फा-लिनोलेनिक एसिड ओमेगा -3 फ्याट जस्ता तत्वहरू पनि पाईन्छ।

•८. चेरी:

दैनिक चेरी खानाले क्यान्सर प्रतिरोधमा ठूलो ठेवा पुर्याउछ। चेरीमा एन्थोसाइनिन, हाइड्रोअक्सीसिन्नामिक एसिड पेरिल्लील अल्कोहल भिटामिन ए, भिटामिन सी र प्रसस्तै फाइबर पाईन्छ।


•९. गहुँको जमरा

 गहुँको जमरामा धेरै क्यान्सर प्रतिरोधी तत्वहरु पाइएका छन। गहुँको जमराको रसलाई मानव जातिको रगतसँग ४० प्रतिशत मेलखाने जोमाविषाक्तताएवंठीकसक्ने मूल्यवान वस्तुको रूपमा तुलना पानी गरिन्छ।

•१०. हरियो सागपात:

लुंडे, लट्टे, बेथे, चंसुर पालुंगो, मेथी फर्सीको मुन्टा जस्ता हरियो सागपातमा फोलिक एसिड, करोटेनॉइड, र फाइबर पाईन्छ। यी तत्वहरू क्यान्सर प्रतिरोधी तत्व हरु हुन।

पतिको यातना सहन नसकेर म्याग्दीकी सबनम चोखालले सम्बन्धविच्छेदको लागि अदालतमा मुद्दा दायर गरेकी छिन् । दिनरात मदिरा सेवन गरेर कुटपिट गर्ने, गाली–बेइजती गर्नेजस्ता व्यवहारले हैरान भएपछि उनी दुई छोरालाई साथ लिएर एक्लै बस्दै आएकी छिन् । ‘सधैँ हिंसा सहेर कति बस्नु ?’ सबनमले भनिन्– ‘त्यसैले छोराहरुलाई लिएर एक्लै बस्न पाऊँ भनेर मुद्दा हालेकी हुँ ।’

यस्तै पूर्वी नेपालको तेह्रथुम स्थायी घर भएकी जानुका खनाल पनि श्रीमान्सँग डिभोर्स दिने सोचमा पुगेकी छिन् । जाँडरक्सी नखाए पनि दिनरात अश्लील शब्दले गाली गर्ने, कुटपिट गर्नेजस्ता श्रीमान्को व्यवहार सहन नसकेर डिभोर्स दिने सोचमा पुगेकी हुन् उनी । ‘जाँडरक्सी खाँदैन, मेहनती छ भनेर विवाह गरियो, रातदिन पिटेर मानसिक यातना दिन्छ’, उनले भनिन्– ‘डराएर कति दिन बस्नु, आफ्नी श्रीमतीलाई इज्जत गर्न नसक्ने मान्छेसँग यति लामो जिन्दगी कसरी बित्छ ?’ ‘म वैवाहिक सम्बन्धबाट आजित महिला हुँ । श्रीमतीका स–साना कुरा र उसका विचारहरुको सम्मान नगर्ने, आवश्यकताहरुको सुझबुझ र हल निकाल्न नसक्ने प्रवृत्तिका पुरुषहरुबाट प्रताडित भई मजस्ता धेरै नेपाली दिदी–बहिनीले सम्बन्धविच्छेद गरेका छन्’, सामाजिक कार्यकर्ता अम्बिका भुसालले एक अन्तरक्रिया कार्यक्रममा प्रस्तुत गरेको विचार हो यो । यसरी श्रीमान्बाट विभिन्न प्रकारका हिंसा पाएर सम्बन्धविच्छेद गरी बस्ने हजारौं महिला हाम्रो समाजमा प्रशस्तै पाइन्छन् ।

वैवाहिक सम्बन्ध विवाहपूर्व महिला या पुरुषले कल्पना गरेजस्तो आदर्श सम्बन्ध नहुन पनि सक्छ । एक–अर्काबीच सम्मानपूर्ण र मायालु व्यवहार, पारिवारिक मेलमिलापजस्ता विषयमा असमझदारी आएर निम्त्याउने अप्ठयाराहरुले दम्पत्य जीवनको विखण्डन गरिदिने विज्ञहरुको ठहर छ । विवाह एक पवित्र बन्धन हो । जन्मजन्मान्तरसम्म जाने एक पवित्र सम्बन्ध हो । यही सम्बन्धमा विखण्डन आएमा पति–पत्नी एक–अर्कासँग बस्न नसक्ने अवस्थामा पुगेमा डिभोर्सको सृजना हुन्छ ।


समग्रमा महिला नै पीडित

हिजोआज धेरै पति–पत्नीको वैवाहिक सम्बन्ध धरापमा रहँदै आएको छ । वैवाहिक सम्बन्ध मजबुत हुन नसक्ने या टुट्ने कारणहरुलाई विश्लेषण गर्ने विशेषज्ञहरु सम्बन्धविच्छेद एउटै कारणले नहुने बताउँछन् । समाजशास्त्री सुवास ढकालका अनुसार आर्थिक, सामाजिक, व्यक्तिगत, पारिवारिकजस्ता विभिन्न कारणले पति–पत्नीबीच सम्बन्धविच्छेदको अवस्था सृजना गरिदिन्छ ।  सम्बन्धविच्छेद विभिन्न कारणले हुने भए पनि समग्रमा पीडित भने महिलाहरु नै बढी हुँदै आएका छन् ।

सानै उमेरमा हुने विवाह, पारिवारिक दबाबमा बाबुआमाले रोजिदिएको केटा–केटीसँग गर्ने विवाह र आफैं रोजेर गर्ने विवाह हाम्रो समाजमा प्रचलित विवाह हुन् । मागी विवाहमा अक्सर पत्नीहरु आफ्नो पतिलाई ईश्वर मान्ने, गोडा धोएर पानी खाने, पति र परिवारले जति हिंस्रक व्यवहार गरे पनि चुपचाप सहेर बस्ने प्रवृत्तिका हुन्छन् । र, वैवाहिक जीवन जस्तोसुकै भए पनि उनीहरु सम्बन्धलाई अगाडि बढाइरहेका हुन्छन् । यस्तो प्रकारको विवाहमा महिलाहरु पूर्णरुपमा सामाजिक र पारिवारिक दबाबमा बाँधिएका हुन्छन् । तर आफैं रोजेर विवाह गरेका जोडी आफैं सक्षम हुने भएकाले व्यक्तिगत स्वतन्त्रता खोज्ने गर्छन् । आफू जति सक्षम भयो त्यति नै आफ्नो स्वतन्त्रता चाहने भएकाले परिवारिक दबाब, हिंसा सहेर बस्न सक्दैनन् र चाहँदैनन् पनि । दाम्पत्य जीवन सहज नभएमा उनीहरु सम्बन्धविच्छेद गरेर समाजमा आफ्नो छुट्टै आइडिन्टिटी बनाउन चाहन्छन् । जस्तोसुकै कारणले सम्बन्धविच्छेद भए पनि समग्रमा महिला नै पीडित हुने गरेको पाइन्छ ।

वैदेशिक रोजगार र तीव्र यौनचाहना

वैदेशिक रोजगारीको सिलसिलामा श्रीमान् विदेशमा हुने र तीव्र यौनचाहनाका कारण पत्नीहरु सेक्स पार्टनर खोज्नतर्फ लाग्नाले पनि पति–पत्नीबीच सम्बन्धविच्छेद र धनसम्पत्तिको नोक्सानीजस्ता भयावह  परिस्थितिहरु निम्तिने गरेको पाइएको छ । केही समयअघि बेलायती आर्मीकी श्रीमती आफू नियमित चढ्ने ट्याक्सीको ड्राइभरसँग भागेको समाचार प्रकाशमा आएको थियो । झन्डै ६० लाखको हाराहारीको सुनचाँदी र पैसा लिएर श्रीमती फरार हुनुको स्पष्ट कारण शारीरिक सम्पर्क नै भएको खुल्न आएको थियो ।

त्यस्तै वैदेशिक रोजगारीमा दुबई गएका राम नेपालले पनि माथिको जस्तै नियति भोग्नुपरेको छ । आईटीमा एमएस्सी गरी टेक्निकल सेक्टरमा काम गर्न दुबई गएका उनी डेढ वर्षमा घर फर्किए । घर आएर आफूले कमाएको सम्पत्तिबारे पत्नीसँग सोध्दा एक व्यापारीलाई ब्याजमा लगाएको र चाँडै माग्ने उनले बताइन् । एक दिन माइत जान्छु भनेर हिँडेकी श्रीमती माइत नपुगेको जानकारी पाएपछि श्रीमान्ले प्रहरीमा उजुरी गरे । प्रहरीले अनुसन्धान गर्दा उनकी श्रीमती कुनै मोहित नामको केटासँग विवाह गरी भारत पलायन भएको खुल्न आयो ।
यस्तै श्रीमान् वैदेशिक रोजगारीमा गई पैसा कमाएर आएपछि बाहिरै गर्लफ्रेन्ड बनाउने अनि कमाएको सम्पत्ति पनि गर्लफ्रेन्डकै लागि खर्च गरी अन्त्यमा उसैसँग विवाह गरी भएकी श्रीमतीलाई मानसिक यातना दिएर डिभोर्स दिन दबाब दिनेसम्मका घटनाहरु पनि प्रशस्तै भेटिन्छन् । यसबाट वैदेशिक रोजगारका कारण पति मात्र होइन पत्नी पनि पीडित छन् भन्ने प्रस्ट देखिन्छ । वैदेशिक रोजगारीका कारण श्रीमान्–श्रीमती सँगै बस्न नपाउनु, मान्छेका अरु आवश्यकताजस्तै यौनिक आवश्यकता तीव्र रुपमा बढेर गई आफ्नो सर्कल या चिनजानको मान्छेसँग यसै उद्देश्यले निकटता बढ्नु आदि कारण पनि सम्बन्धविच्छेदका कारक तत्त्व बनेका छन् ।

एक्स्ट्रा म्यारिज अफेयर्स

प्रायः सहरी भेगमा एक्स्ट्रा म्यारिज अफेयर्स हिजोआज फेशनजस्तै मौलाउँदै गएको छ । घरमा पति⁄पत्नी हुँदाहुँदै


पनि यसरी बाहिर अन्य केटा⁄केटीसँग सम्बन्ध राख्न खोज्नु (एक्स्ट्रा म्यारिज अफेयर्स) वैवाहिक सम्बन्ध तोडिनुको एक कारक तत्त्व मानिन्छ ।  घरमा पति वा पत्नी हुँदाहुँदै  परस्त्री वा परपुरुषसँग सम्बन्ध गाँसिनाले पारिवारिक माया, स्नेह, विश्वास र सम्बन्धमा खाटो पैदा भई रिस, असमझदारी बढ्नेजस्ता कारणले अन्त्यमा सम्बन्ध टुंगिन पुगेको विभिन्न अध्ययनले देखाएको छ । पहिले रोमाञ्च वा रहरले पैदा हुने विवाहपछिको अर्को गुप्त प्रेमसम्बन्धले मान्छेको सम्बन्धमा मात्र नभई धन–सम्पत्ति र मान–सम्मानमा पनि असर पुग्ने मनोविज्ञ प्रा. गंगा पाठक बताउनुहुन्छ । प्रा.डा. पाठकका अनुसार आफ्नो श्रीमान् वा श्रीमतीलाई अन्य पति–पत्नीसँग तुलना गर्नु पनि वैवाहिक जीवन विखण्डनको कारक तत्त्व मानिन्छ । उहाँका अनुसार यस्तो व्यवहारले दुईबीचको सम्बन्धमा अझ दूरी बढाउने काम गर्छ ।

सम्बन्ध तोड्दै फेसबुक सञ्जाल

फेसबुकलगायत सामाजिक सञ्जालहरुले सम्बन्धहरु जोड्ने मात्र होइन सम्बन्धमा विग्रह पैदा गर्ने गरेका उदाहरणहरु उत्तिकै छन् । कतिपय वैवाहिक सम्बन्ध पनि फेसबुकलगायतको सामाजिक सञ्जालका कारण धरापमा परेका छन् । अनावश्यकरुपमा फेसबुकमा अत्यधिक समय खर्चिने, घर–व्यवहार र काममा महत्त्व नदिने, नयाँ साथीसँग नजिक भई घर–व्यवहारलाई बेवास्ता गर्ने तथा फेसबुककै माध्यमबाट मायाप्रीति गाँसी आफ्नो छँदाखाँदाको सम्बन्धमा तहसनहस ल्याउनेजस्ता क्रियाकलापहरु प्रशस्तै भेटिएका छन् ।

झापाका सरोज धितालले कामको सिलसिलामा हङकङ गएको बेला उतै बसेकी पोखराकी रमा पुन नाम गरेकी युवतीलाई फेसबुकबाट चिनजान र मायाप्रीति बसाई हङकङमै विवाह गरे । पछि नेपाल फर्किएलगत्तै सरोजकी पहिलेकी श्रीमती भएको थाहा पाएर रमाले तल्कालै अदालतमा गई सम्बन्धविच्छेद गरिन् । यो त उदाहरण मात्र हो । फेसबुकलगायतका सामाजिक सञ्जालकै  कारण अन्य थुप्रै दाम्पतीले पनि पारिवारिक कलह, आपसी खटपटजस्ता थुप्रै समस्या बेहोरिरहेको पाइएको छ ।

दाइजो प्रथा पनि डिभोर्सको कारण

प्रत्येक दिन कुनै न कुनै यस्तो घटना हामी सुन्छौं जहाँ दाइजो नल्याएका कारण नवदुलहीहरु यातनाको सिकार हुने गरेका छन् । हाम्रो देशमा पनि दाइजोका कारण हजारौं महिला पीडित हुनुपरेको छ । यस्ता खाले यातना बढ्दै जाँदा पनि महिलाले कि त न्यायका लागि सम्बन्धित निकायमा भौंतारिनु कि त सम्बन्धविच्छेद गरी बस्नुपर्ने स्थिति देखिएको छ ।

दाइजोजस्तै सन्तान नजन्माएको या छोरा नजन्माएको निहुँमा पनि लाखौं महिला परिवारबाट  कुनै न कुनै किसिमको यातनाको सिकार बन्दै आएका छन् । यस्ता यातनाको चरण बढ्दै जाँदा उनीहरुको लागि सम्बन्धविच्छेद बाध्यकारी हुने बताउँछिन् सञ्चारकर्मी वसन्ती तिमिल्सिना । मर्नुभन्दा बौलाउनु निको भनेझैँ यातना सहेर बाँच्नुभन्दा एकल जीवन रोज्नु पीडित महिलाको बाध्यता हुने गरेको उनी बताउँछिन् ।

नयाँ पुस्ता र डिभोर्स

आफ्नो निर्णय आफैं गर्न सक्ने र आफ्नै खुट्टामा उभिन सक्ने आजकालका पढेलेखेका  युवायुवती भने सम्बन्धविच्छेदलाई हाउगुजी मान्नु नहुने तर्क राख्छन् । कुटुम्बिन नेपालकी सामाजिक कार्यकर्ता सृष्टि खड्का भन्छिन्– ‘विचारको विभेद, एक–अर्काप्रति अविश्वास र असन्तुष्टिले सुमधुर सम्बन्ध नहुने हुँदा पति–पत्नी छुट्टिएकै राम्रो हुन्छ । किनकि एक–अर्कामा निर्भर रहनु नपरेको अवस्थामा यस्तो वैवाहिक सम्बन्ध बाध्यकारी रहन्न ।’



नारायणगढ, चितवनका प्रवेश भण्डारी सम्बन्धविच्छेद गरी बसेका एक भोक्तापात्र हुन् । उनको विचारमा एक–अर्काप्रतिको आरोप–प्रत्यारोपको गुनासो सम्बोधनहीन अवस्थामा पुगेपछि सम्बन्धविच्छेद गर्नु नै उपयुक्त विकल्प हुन्छ । उनले पनि यस्तै परिस्थितिमा सम्बन्धविच्छेद गरेका हुन् । सम्बन्धविच्छेद भए पनि उनीहरुको भेटघाट र बोलचाल यथावत् छ । सन्तानको लागि भेटघाट बाध्यकारी भएको उनको ठहर छ ।

मानवशास्त्री तथा समाजशास्त्री सुवास ढकालका अनुसार मान्छे आर्थिक तथा सामाजिकरुपमा जति सक्षम भयो त्यति नै स्वतन्त्रता चाहन्छ । पुँजीवादको विकाससँगै मान्छेहरु नयाँ मान्यतालाई पनि अनुशरण गरिरहेका हुन्छन् । जसको कारणले आफ्नो पहिचान र अधिकारको खोजीमा  लागिरहेका आजकलका बौद्धिक तथा शिक्षित  दाम्पतीले भने असमझदारी र असहिष्णुताको अन्तिम रुप नै सम्बन्धविच्छेद भएको बताउँछन् । निरसपूर्ण सम्बन्ध कायम राख्नुभन्दा सम्बन्धविच्छेद नै उपयुक्त हुने उनको भनाइ छ । डिभाइन सफ्टका प्रबन्ध निर्देशक राजेश शर्मा समाजशास्त्रीको विचारसँग सहमत छन् । उनका उनुसार सम्बन्धविच्छेद त्यस्तो बेलाको एक आवश्यकता हो, जसले सम्बन्धमा अझ खतरापूर्ण स्थिति निम्त्याउने र हिंसाको उत्कर्षतिर पुग्ने अवस्थालाई न्यूनीकरण वा
सामान्यीकरण गर्छ । अधिवक्ता सपना प्रधान मल्लका अनुसार उनीकहाँ सम्बन्धविच्छेद गर्न चाहने अधिकांश महिलाहरुमा घरेलु हिंसाका सिकार भएकाहरु छन् । तीबाहेक छोराछोरीको हेरचाह गर्न छाडेर मदिरा सेवन गरी शारीरिक तथा मानसिक यातना भोगेका महिलाहरु बढी रहेको उनको भनाइ छ ।

‘हामी सकेसम्म दुवैलाई मिलाएर पठाउने कोशिश गर्छौं’, अर्का अधिवक्ता मनोजकुमार कँडेल भन्छन्– ‘काउन्सिलिङपछि पनि मिल्नै नसक्ने अवस्थामा पुगेकाहरु सँगै बस्नुको औचित्य पनि हुन्न नि, त्यसपछि केसलाई अघि बढाउँछौं ।’सम्बन्धविच्छेद आफैंमा नराम्रो होइन । कुनै हालतमा सँगै बस्न नसक्ने अवस्थामा पुगेका पति–पत्नीलाई यसले सहजताको वातावरण निर्माण गरिदिन्छ । हिंसा, बेमेल, झगडा, तनावबीच रहँदा झन् मनोवैज्ञानिक समस्या हुने हुँदा महिला–पुरुषमा देखिएको गलत सोच कम गर्न, अनावश्यक स्ट्रेस घटाउन र आत्महत्याजस्तो अवस्थाबाट मुक्तिका लागि भने सम्बन्धविच्छेदलाई राम्रो मानिन्छ ।