गुण्डा नाइके दिनेश अधिकारी ‘चरी’ काठमाडौंको भिमढुंगामा प्रहरीसँगको दोहोरो गोलीहानहानमा मारिएको भन्ने दावीको उनीनिकट केहीले खण्डन गरेका छन् भने भिमढुंगाका केही स्थानीयले यसप्रति आपत्ती जनाएका छन् ।

अधिकारीनिकटका स्रोतहरूले उनी आज काठमाडौंबाट केवलपुरतर्फ गइरहेका बेला उनको पिछा गरिएको भन्ने प्रहरीको दावी गलत भएको बताएका छन् । उनीहरूले अधिकारी आज धादिङबाट काठमाडौं आइरहेको बेला मारिएको दावी गरेका छन् । साथै, उनीहरूले अधिकारी एक्लै नभई उनीसँग अरु दुईजना पनि भएको र घटनापछि ती दुईको अत्तोपत्तो नभएको बताएका छन् ।

चरीनिकटका ती व्यक्तिले स्थानीय वासिन्दाहरूको हवाला दिंदै प्रहरीले गौडा कुरेर मारेको बताएका छन् ।